【Now財經台】國務院星期三召開全國穩住經濟大盤電視電話會議後，地方政府隨即出手，深圳市中午前公布9大方面措施促進消費，電視、冷氣、手機、電腦有15%補貼，最高2000元人民幣。不過，一眾相關股份冇乜反應，反而國美零售(00493)造好...
耀才證券研究部總監植耀輝指，家電及電子消費類股股價反應冷淡，係因為措施唔係全國性，市場仍然衡量措施對呢啲股份幫助有幾大。不過，Stanley認為，國美受惠程度亦有限，因為好多人買小型電子產品都選擇網購，國美雖然有搞網購平台，但一直蝕錢，公司股價近年都表現差，所以對消息比較敏感，股價才有較大反彈。
