【Now財經台】恒指季檢結果上星期五出爐，4隻藍籌準新貴分別為東方海外國際(00316)、中升控股(00881)、中芯國際(00981)、中國宏橋(01378)，其中宏橋更是爆大冷「染藍」，而今次再有成分股被踢走。
國信證券香港研究部副總裁程嘉偉認為，一隻科網股都冇已經係爆冷，而4隻準新貴佔比合共只有1.3%，對指數嘅影響係非常輕微，而且主要係舊經濟股，反映恒指公司態度有所改變，唔再加入一啲風險高嘅科技股。佢又估計，由於市場氣氛都比較差，8月後嘅季檢淨加入嘅成分股只得2至3隻。
Gary又話，如果未來幾個月科技股表現冇太大起色，符合「染藍」條件嘅科技股，嚟緊一至兩次季檢都未必會被納入。
