【Now財經台】截至早上11時止，1小時內《彭博》用戶關注度上升最多港股，依次為李寧(02331)、九毛九(09922)、申洲國際(02313)、瑞聲科技(02018)、中國宏橋(01378)。
李寧今朝一度係跌幅最大藍籌，雖然外圍零售股近期表現麻麻，但點解李寧今日先跌得咁甘？
富昌證券聯席董事譚朗蔚相信，依家市場擔心整體經濟下行，內地零售受疫情影響表現比較差，雖然市場憧憬封城復開後嘅炒作反彈，但Stevan認為，呢個情況仍然不穩。
佢又話，李寧今日喺冇乜消息面下都要大跌，反映市場對零售股戒心都幾大，不過，李寧以嚟嘅升幅仲未化灰，反映市場雖然對李寧信心不穩，但未至於完全消極。
