【Now財經台】發改委講過要大力推動能源改革，喺沙漠、戈壁、荒漠地區規劃建設4.5億千瓦大型風電光伏基地，帶挈A股「風光」齊炒上，呢個沙漠大工程係咪好值得憧憬？
耀才證券研究部總監植耀輝指，喺沙漠地區搞風電光伏，可以話係一石幾鳥，地勢較平坦較有助發展新能源，沙漠地區日照較長，將會尤其提升光伏效率，加上整風電場或光伏項目，某程度上更可以阻止沙漠化。
Stanley補充，風電股其實有彈過，只係今日光伏股好似較突出，除咗可能因為有沙漠工程呢個消息，再睇埋近期整體走勢，其實光伏股本身都跌咗唔少，唔排除有資金趁機博反彈。
