【Now財經台】電力股今日早段已逆市升，午後個別升幅更進一步擴大，其中華潤電力(00836)、華能國際電力(00902)升幅較大，收市分別升8.3%及7.8%，不過，大唐發電(00991)僅升1.6%。
電力股今日有得升，可能同摩根大通嘅報告有關，摩通話，現時煤炭價格高企，而內地對火電商政策較為包容，另一方面，可能係憧憬內地疫情放緩，其中，上海已逐步復產復市，用電需求有一定回升。
雖然潤電股價今日升穿50天線，但仲未突破到橫行咗近兩個月嘅區間，今日成交增至逾3.7億元，後市要留意仲有冇資金趁低追入，帶動股價出現突破。
