【息賺】Yen跌到幾時有路捉？

【Now財經台】自從美國重啟加息周期，美匯指數持續強勢，日圓自然不斷貶值，但唔少人認為Yen仲有得跌，到底仲有幾多下跌空間？

成家網上投資課程導師徐冠鴻指，日本政府有近31%收入來自債券，日圓貶值可以令日本政府還債時賺息再賺價，增加財政收入以彌補貿易收入減少。諗Sir又話，俄烏戰事未完令美國軍備出口增加，加息周期有機會因為出口增加而放慢步伐。

佢又提醒，美國加息愈狠，日圓嘅跌幅就愈大，因此，Yen會唔會繼續跌就要睇實美國加息結果。