【Now財經台】今個星期加密貨幣(Crypto)跌唔停，係咪同穏定幣UST爆煲「擠提」事件有關，觸發幣圈「火燒連環船」？一眾加密貨幣如龍頭比特幣(Bitcoin)及以太幣(Ether)，係咪仲未跌夠？
LW利達基金經理及合夥人黃耀宗相信，未來一兩個星期，幣圈續處於不穩定階段，可能會見到有人補倉，令價格出現反彈，估計走勢會好Chok。
Andy又認爲，Bitcoin及以太幣係幣圈中較大嘅資產，預期未來一段時間，如果相信Crypto投資者會轉換較穩定嘅貨幣，而一批一直等緊買入機會嘅資金，會趁機買入較大嘅資產，所以短期內唔應該太進取。
