【Now財經台】港股持續弱勢,藍籌當中早段跌幅較大嘅創科實業(00669)失守「紅底股」,一度低見93.5元,點解股價會跌到咁?
中國通海證券投資策略聯席總監阮子曦指,回顧創科近5、6年嘅股價,對美國樓市都幾敏感,因為創科嘅產品主要需求係同建築有關,而睇創科要睇埋HOME DEPOT嘅股價,但HOME DEPOT股價近排橫行,亦唔喺高位,但創科股價仍要跌,市場主要擔心成本上升,同埋需求係咪會無休止咁上升。
Harry坦言,雖然創科股價依家已跌到95元水平,但仍然唔算抵買,不妨等埋HOME DEPOT及創科業績再部署。