【Now財經台】截至早上11時止，1小時內《彭博》用戶關注度上升最多港股，依次為聯想集團(00992)、中國海外發展(00688)、富力地產(02777)、龍湖集團(00960)及蒙牛乳業(02319)。
內地政府要求政府機構、國有企業，兩年內電腦及軟件要轉用中國貨，涉及嘅電腦設備最少5000萬部，帶動聯想以至國產軟件股，喺今日大跌市都可以倒升或跌幅收窄。呢個消息係咪可以刺激需求之餘，仲帶挈埋相關股份嘅股價？
大華繼顯執行董事梁偉源指，供應鏈斷裂問題可能會影響生產，所以聯想可唔可以喺兩年內，完成轉換5000萬部電腦嘅目標，仲係未知之數。
Steven又話，早前聯想受惠於疫情帶動個人電腦需求急升，但最近需求已經回落，即使聯想成功攞到政府定單，價格都會低過市價，對業務有幾大幫助仲係未知之數，因此，投資者唔應該過分樂觀。
