【Now財經台】水泥股陸續派首季成績表，3大水泥股中，以華潤水泥控股(01313)季績最令市場失望，股價今早一度低見5.91元，重挫近10%，之後跌幅收窄。
潤泥上星期五晚出咗Q1業績，收入跌18%，純利更大跌43%，集團解釋，主要係產品銷量跌，加上生產成本上升，而3大水泥股之中，以潤泥純利跌幅最大。
潤泥6元樓下股息率幾吸引，近月幾次跌穿6元，股息率上到10厘，而6元水平都反覆企穩，今日喺低位反彈掃返上去，後市留意係咪守得住6元，同埋可以上返10天線，不過，上面層層蟹貨，多次反彈被250天牛熊線壓住。
