我的股票

    名稱 現價 升跌

    資料報價延遲十五分鐘

    【專家分析】有一類高息股唔好掂

    【分析】 2022/04/08 16:35

    【Now財經台】摩根士丹利出咗季度報告,更新咗第2季高息股選股名單,其中Enhance Dividend頭10隻心水股之中,有4隻係港股,分別係龍湖集團(00960)、領展房產基金(00823)、中國石油股份(00857)同埋萬洲國際(00288),雖然減派息機會較細,但喺本港現時嘅經濟環境下,公司錢賺少咗,派息比率冇跌,實際收息都少咗,呢幾隻股份又有冇呢個情況?

    紅蟻資本投資經理李澤銘指,內房相關股面對嘅挑戰會比較大,部分內房仍面對債務問題,銷售又大跌,今年頭3個月銷售跌幅平均介乎40%至50%,加上成本上升,但樓價唔升之餘,甚至輕微下跌,所以實際收息有可能會少咗。Alan又認為,大摩推薦嘅高息股的確值得留意,但對內房高息股有保留,但萬洲、中石油呢類股份,相信短期內問題唔大。

     

    想睇更多財經消息