【輪證下半Part】長和處「上升通道」底

【now.com財經】今朝見到恒指低開之後都奮力向上爬，11點效應今日暫時失去，本來偷到喺指數五分鐘圖上靠近50分鐘線(五分鐘圖10線)，甚至係100分鐘線(五分鐘圖20線)出淡倉；但從走勢圖上見到，指數上到去呢兩條平均線附近之後，都係輕鬆上破，出淡倉呢個念頭可以隨即打消。

依家1點7分，恒指走勢目前仍然偏軟，轉去個股度睇下，講真，隻隻都開始變成一個Put樣，一係就V彈到差唔多到頸線位，等緊條頸線破唔破。終於，失心瘋搵到隻長和(00001)，好似、彷彿有啲機。

日線圖上真係搵唔到有咩裂口未補(你搵到話我知，可能年紀大開始有老花)，佢其實都係行咗個V彈走勢，頸線位大約喺60.4元呢個位，Slow STC(14,3)兩線雖然上到嚴重超買範圍，不過保歷加通道口有拓闊情況，先唔理個V彈，計住右邊呢條「上升通道」，股價目前叫做處於「上升通道」嘅底部，一旦保歷加通道口再拓闊，比位股價運行，同時「上升通道」底線有支持的話，唔貪心佢可以上破V彈頸線先啦，去返60蚊都好似唔錯咁。

Bookmark住先，備用。

作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。

想入作戰室？Click呢度就得：https://www.patreon.com/cbbcwar

FB：https://www.facebook.com/cbbcwar