我的股票

    名稱 現價 升跌

    資料報價延遲十五分鐘

    【專家分析】大行撐中海油服因呢瓣業務

    【分析】 2022/01/26 18:11

    【Now財經台】雖然中海油田服務(02883)上星期發咗盈警,預告去年少賺最多91%,表現係2018年以來最差嘅一年,不過,中海油服股價今日已重返盈警前水平,能夠快速收復失地,係咪同國際油價持續強勢,改變市場對油服行業嘅看法有關?

    華盛証券分析師聶振邦指,從消息面睇,中海油服嗰筆總值20億人仔嘅計提固定資產減值虧損,屬於會計入帳方面,對公司現金流唔會構成影響,對基本面影響不唔大。反而係受俄烏地緣政治因素影響,依家市場焦點集中喺國際油價高企,帶動石油石化股有得升。

    聶Sir又話,幾間大行都提到及中海油服嘅海外業務前景,但佢認為有關業務嘅實質比重,要留待中期報告先有明確訊息,睇返大行最新嘅評級、目標價,市場暫時都睇好中海油服。

    聶振邦
    博威環球資產管理金融首席分析師
    想睇更多財經消息

    相關股票