我的股票

    名稱 現價 升跌

    資料報價延遲十五分鐘

    【財經TOP SEARCH】信光冇消息乾炒唔值博

    【分析】 2022/01/26 14:29

    【Now財經台】截至早上11點,1小時内《彭博》用戶關注度上升最多的港股,依次為信義光能(00968)、快手(01024)、兗礦能源(01171)、建設銀行(00939)及世茂集團(00813)。

    信義光能冇任何業務消息,但早段曾急升10%,暫時係表現最好藍籌。勉強關事嘅係國家主席習近平最新喺政治局學習會上表示要促進新能源發展,但呢啲只係舊調重彈,加上資金好耐冇炒過信義系,今日突然翻炒信義光能,係咪大戶打算喺期結日前托一托恒指,散戶要小心托完指數股價又散?

    耀才證券研究部經理譚智樂表示,背後原因唔使諗得太複雜,信義光能只係同近期好多股份一樣,跌得多後突然技術反彈少少。不過光伏板塊短期要面對產能過剩問題,加上最近殺高估值亦波及到板塊,認為係「殺到一半」嘅時候入場好高風險。

    Arnold建議,有貨嘅人唔使咁急住走,但未有貨嘅就唔好現時追入,睇埋收市中維持到幾多升幅再決定。

    譚智樂
    耀才證券研究部副經理
    想睇更多財經消息