我的股票

    名稱 現價 升跌

    資料報價延遲十五分鐘

    【輪證下半Part】教你多一次點揀輪

    【輪證】 2022/01/25 14:01

    【now.com財經】手上仍然有兩隻淡倉,一隻恒指Put(13090)同埋隻滙豐控股(00005)Put(22160)。前者大膽啲,以日線圖嘅20天線或50天線做下望目標;至於後者就繼續以日線圖嘅20天線為下望目標。

    兩個目標So far都暫時未到,就繼續Keep住先,當然,有咩唔對路都應該先行離場,就如成個朝早見到條恒指喺五分鐘圖上都喺以接近橫行方式運行,但去到11點幾打後就開始慢慢向上,同步保歷加通道口見收窄,搞到條指數行下行下,行咗上保歷加上升通道,Slow STC(14,3)上行嘅勢頭就比較明顯,喺上半場臨完場前都見到上返去接近超買水平,隻(13090)又瘦咗啲。

    中場休息嘅時候,食啲嘢又擼貓貓咗一陣,就無無聊聊啦喺電話開個Browser出嚟玩呢期我見都有好多朋友玩緊嘅Wordle,自問英文差,玩咗兩日都未能成功喺六行裡面以Mastermind嘅方式估得到嗰五粒英文字母係乜,今日又試下,反正玩嗰時同下半場開市仲有大約6分鐘左右,玩唔到咪由佢囉,中咗又無獎金嘅。企喺廚房,諗緊第一個字嘅開頭就望到一堆調味料,我只係識「Salt」、「Pepper」、「Sugar」同埋「Chicken Power」,有邊個係五個英文字母嘅生字?一入落去,就五格綠色格仔,我彷彿feel到自己左右兩邊爆咗下煙花咁,當我開心share比我家老爺同FB嘅朋友之後,我望住支豉油(定生抽),呀!你係「Soy Sauce」,覺得自己啲英文進步咗。

    依家1點20分,恒指下半場開市之後見指數好快咁先失保歷加通道中軸,跟手仲落埋去保歷加通道底線,放到個五分鐘圖好大先至見到保歷加通道口有拓闊嘅情況,但係Slow STC(14,3)兩線都落到超賣水平,指數再落的話都真係要靠保歷加通道口再拓闊先至可以,咁樣就有機會令到Slow STC(14,3)行出超賣再超賣嘅走勢,不過,呢期恒指都好似朝早開完市之後就同收工無咩分別,每每都係靠開市個裂口嚟搵食,過夜危險嘛。

    但又咁講,指數依家擺位的確近下方牛證街貨層,而今日失驚無神咁跌咗300幾至400幾點,估計下方嘅牛證聽日返嚟隨時愈嚟愈重,如是者再引指數向下殺牛嘅誘因又變大咗,更何況日線圖上嘅Slow STC(14,3)依家先嚟高位向下,都係嗰句:博多少少,下望20天線或者50天線好啦。

    既然用日線,就不如以無收回風險嘅Put做部署啦,有人話輪好難揀,其實難鬼!四個Step就揀掂。頭三個Step就係喺Search輪嗰大Excel表上面嗰啲篩選工具入Data,先揀輕微價外Put嘅範圍(指數基本上3%或以下嘅都大把比你揀);第二喺到期日,要多於兩個月嘅;第三係街貨要低於20%,click ENTER,再load出嚟嗰堆嘢由於時間關係,已經按槓桿由大至小先行排列好,再喺裡面再揀邊隻係高Delta(對沖值,唔係Omicron個Friend),同埋低引伸波幅敏感度(唔係引伸波幅,係引伸波幅敏感度),咁揀嘅原因係想喺合適條款範圍裡面,能夠揀到一隻可以跟個市行多啲,受引伸波幅影響少啲嘅輪。最後得到嘅係恒指Put(29348),行使價24,300點,高Detla、引伸波幅敏感度偏低,可能你會話:喂!無成交喎!留意,成交真係唔係揀輪嘅首要條件,今日無唔等於日日都無。

    邊個發行商嘅Website可以睇呢兩個Data?你估下!

    作者阿珊,任財經/投資版傳媒人十幾年,《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證,唔貪心,志在搵餐下午茶。

    想入Patreon/作戰室?Click呢度就得:https://www.patreon.com/cbbcwar

    FB:https://www.facebook.com/cbbcwar

    想睇更多財經消息