【專家分析】兩隻殺估值高危體品股

【Now財經台】北京冬奧在即，今日體育用品股全線造好兼跑贏大市，連二線嘅361度(01361)、特步國際(01368)都一度飆6%及3%。

藍籌李寧(02331)就獲摩根士丹利「加持」，話李寧股價上個月回調咗20%，主要受累孳息率上升及宏觀挑戰，同本身嘅增長動力冇關，又估計集團市佔率會繼續上升，並重申111元目標價及「增持」評級。

耀才證券研究部經理譚智樂認同大行嘅講法，亦指李寧仍然係佢嘅行業首選，但唔建議喺現水平入貨，因為估值仍然偏貴，不過，行業增長放緩，加上喺息率急升下，李寧股價有機會回落至70元水平，即較現價有10%調整空間。

Arnold又話，361度、特步估值偏高，之後當長債息回落，就可能要面對極大殺高估值股嘅風險。