【財經TOP SEARCH】內房氣氛真係有好轉?

【Now財經台】截至早上11點，1小時內《彭博》用戶關注度上升最多的港股，依次為萬科企業(02202)、雅生活服務(03319)、中國鋁業(02600)、長實集團(01113)及新城發展(01030)。

榜上有3隻內房股，近期內房股喺低位有得反彈，主要因為傳出中央可能放寬「三條紅線」、又鼓勵銀行加大向房企放貸等利好消息，不過，實際層面上，內房氣氛係咪真係開始好轉?

京華山一國際研究部主管彭偉新指，內房氣氛冇咁快有改善，因為今年內房整體債務到期仍處於高峰期，加上上年賣嘅地產項目大減，好多公司上年整體銷售亦未能達標，令佢哋唔夠資金還短期債，雖然近期好多公司開始肯賣手上嘅資產，令佢哋有機會喺短期內攞到資金，但基本因素未足以改善整體內房市場氣氛。