【專家分析】旺旺電商平台暫難成增長亮點

【Now財經台】中國旺旺(00151)中午出咗中期業績，睇返呢份成績表，旺旺三大業務，即米果、乳品及飲料、休閒食品中，收入佔比最大嘅乳品及飲料收入增長逾23%，毛利率微升至49.7%，呢瓣業務嘅表現收唔收貨？旺旺呢張成績表仲有一個亮點，就係新興渠道，即電商平台、母嬰渠道等，集團呢個發展方向係咪正確?

耀才證券研究部經理譚智樂指，旺旺呢份業績大致都收貨，公司拓展電商平台業務係好合理，但以投資者角度去睇，就唔係一個好大嘅增長亮點，因為渠道佔比仍然較小，仍需時發展先會有可觀收入。

佢又話，旺旺作為一隻大眾化必需品股有一定抗跌力，而喺市況差嘅時候，應該關注旺旺嘅防守性而唔係增長。