我的股票

    名稱 現價 升跌

    資料報價延遲十五分鐘

    【財經TOP SEARCH】物管股抽水為救呀媽?

    【分析】 2021/11/18 13:42

    【Now財經台】截至早上11點, 1小時內《彭博》用戶關注度上升最多的港股,依次為雅生活服務(03319)、碧桂園服務(06098)、恒騰網絡(00136)、中國華融(02799)、美團(03690)。

    今朝市場最關注應該係開市前碧服停牌,果然又係配股集資。據銷售文件披露,公司計劃以每股53.35元,配售1.5億新股,籌80億元,較噚日收市價折讓9%。

    碧服今年5月先配過股同發可換股債券,集咗150幾億,截止6月底止,現金等價物逾219億元,點解仲要抽水?

    英皇證券銷售部副總裁林建華認為,佢係為咗幫母企碧桂園(02007)撲水,但折讓比預期細,相信復牌後股價可以企穩。

    另一邊廂,雅居樂(03383)發24億雅生活CB,息率7厘,初步換股價27.48元,較噚日收市價有20%溢價。

    林建華認為,雅居樂有資金需要,但配售「阿囝」股份,未必代表減持都冇人要,反而係想維持自己嘅持股比例。

    佢又話,相較其他內房龍頭高達10厘,雅居樂CB得7厘息,應該更多人願意買。不過,換股價高現價20%,加上內房前景堪憂,投資者似乎冇換股誘因。

    林建華
    英皇證券銷售部副總裁
    想睇更多財經消息