我的股票

    名稱 現價 升跌

    資料報價延遲十五分鐘

    【財經TOP SEARCH】啤酒股執平貨長揸時機到

    【分析】 2021/10/26 15:23

    【Now財經台】截至早上11點,1小時內《彭博》用戶關注度上升最多嘅港股,依次為華潤啤酒(00291)、百威亞太(01876)、比亞迪股份(01211)、阿里健康(00241)、金沙中國(01928)。

    內地啤酒股造好,有分析指,產品加價可能會成為成股價催化劑。當中潤啤獲摩根士丹利加持,預期未來60日,股價好大機會上升,主要係潤啤近期捱沽,估值變得吸引,而潤啤高端產品業務仍然穩健,投資者對啤酒股估值有重新評價嘅時機已到?

    京華山一國際研究部主管彭偉新指,以往啤酒好少喺冬季加價,相信主要係因為整體商品價格急升,令啤酒原材料,例如鋁罐包裝同大麥都明顯貴咗,所以製造商唯有以加價形式,將成本轉嫁至消費者。冬季做價格調整對整體市佔率流失影響相對少,因為可以畀市場習慣新價格,咁會對下年啤酒銷售旺季有利,不過,股價喺短期內好難扭轉劣勢。投資者可趁依家啤酒股估值平買入作長缐投資。

    彭偉新
    京華山一國際研究部主管
    想睇更多財經消息