我的股票

    名稱 現價 升跌

    資料報價延遲十五分鐘

    【財經TOP SEARCH】兩個買中海外嘅原因

    【分析】 2021/10/15 13:08

    【Now財經台】截至早上11點,1小時內《彭博》用戶關注度上升最多嘅港股,依次為中國海外發展(00688)、紫金礦業(02899)、中煤能源(01898)、吉利汽車(00175)、思摩爾國際(06969)。

    即將派季度成績表嘅中海外,股價今朝一度跌5%,成交仲明顯增加。不過,最近唔少內地券商認為,內房最壞時間已過,可以吸納財政健康嘅內房股。中海外一向負債唔高,加上外電最新報道,內地監管部門要求銀行今季加快樓按審批,依家係咪吸納中海外嘅好時機?

    大華繼顯執行董事梁偉源指,因為中國恒大(03333)事件,銀行審批按揭都保守咗,令內房銷售變差,其中,中海外9月銷售按年大跌42%,情況好罕見。不過,隨著近期焦點去返財政較健康嘅內房,例如中海外冇觸及過3條紅線,長線投資者開始吸納返呢啲股份,若銀行又加快返樓按審批,今季銷售亦會大大改善。

    梁偉源
    大華繼顯執行董事
    想睇更多財經消息