我的股票

    名稱 現價 升跌

    資料報價延遲十五分鐘

    標籤: 分析01308

    【股市脈搏】海豐跌浪未完?

    【分析】 2021/09/29 15:48

    【Now財經台】今年相對強勢的航運股愈跌愈多。內地超過10個省份限電、限產,個別省份更「拉閘限電」,工廠個別日子被逼停產,打撃供應鏈。市場擔心廠房限產會令貨物供應減少拖累內地經濟增長,以至貨運出口。

    被指係基金愛股,主力做集裝箱航運嘅海豐國際(01308)低開後曾短暫倒升逾3%,上過31.15元,但午後跌逾4%,一度低見28.8元。

    海豐周一收市已大跌14%,係2010年上市以來最大單日跌幅。今日失守埋100天線約30.1元,自上年3月疫情底以來首次。上年8月直至上周五,公司股價累升逾5倍,但過去3日已累跌約20%,不排除因為美國債息續升,驚有新一輪殺估值潮。

    而海豐75條航線全都位於亞洲區。所覆蓋的72個港口中有16個位於中國內地,佔比20%。若內地出口因限電限產拖累,對海豐業務影響都好大。

    午後外電傳出,中央為紓緩電荒問題,容許電力公司加徵工業用戶電費。留意海豐上唔上得返約30元水平,否則下一個支持位就要睇250天線,即22.5元水平。

    想睇更多財經消息

    相關股票

    編號名稱
    01308海豐國際