【專家分析】趁尿素價升炒轉中海石油化學？

【Now財經台】化肥股今日逆市有得升，其中有沾手光伏業務嘅中國心連心化肥(01866)一度爆升逾11%，中海石油化學(03983)收升7%，中化化肥(00297)曾抽高逾5%。

其實大行早喺7月已經率先唱好化肥股。當時花旗睇住尿素價格會上，就唱好中海石油化學，仲上調目標價27%至3.8元。滙證又話，集團因燃料成本唔會大幅波動，因為有母公司中國海洋石油(00883)照住。

不過，公司股價一直喺2.5元水平浮沉，究竟尿素價格嘅升勢能夠推股價一把？

耀才證券研究部總監植耀輝認為，參考下目標價就算，但從整個行業嚟睇，尿素價格近期回落後仍比舊年同期高，加上估值唔算高，盈利上升空間幾高。

而今日爆升嘅3隻化肥股，今年累計已經升逾1倍。Stanley話中化化肥主要做化肥貿易，唔太受原料影響。反而另外兩間有減省成本，佢就覺得更值得留意。