我的股票

    名稱 現價 升跌

    資料報價延遲十五分鐘

    【財經TOP SEARCH】龍湖「頭上一把刀」$30勢危

    【分析】 2021/08/31 12:46

    【Now財經台】截至早上11點,一小時內《彭博》用戶關注度上升最多的港股,依次為龍湖集團(00960)、中國平安(02318)、恒生銀行(00011)、海底撈(06862)及中國銀行(03988)。

    官方收緊金融機構喺内房衍生產品方面活動,或令内房債務危機惡化,今朝10點後,多隻内房股走勢轉差,當中龍湖股價一度跌近6%,創近14個半月低位。

    京華山一國際研究部主管彭偉新話,市場開始擔心内房公司未來融資,國策收緊好可能令負債重嘅公司攞唔到足夠資金,繼而進一步擴散整體流動性風險。佢相信龍湖係其中一間投資者想避免投放資金嘅公司,股價短期冇可能扭轉劣勢,目前RSI同股價穿底足以反映投資者信心不足,相信會繼續下試30元大關。

     

    彭偉新
    京華山一國際研究部主管
    想睇更多財經消息