我的股票

    名稱 現價 升跌

    資料報價延遲十五分鐘

    【財經TOP SEARCH】點解舜宇會急跌?

    【分析】 2021/08/10 12:26

    【Now財經台】截至早上11點,1小時內《彭博》用戶關注度上升最多的港股,依次為舜宇光學(02382)、中國電信(00728)、合景泰富(01813)、思摩爾國際(06969)、快手(01024)。

    舜宇7月份嘅產品出貨數據,表現一般,其中手機鏡頭出貨量較去年同期下跌22.9%。車載鏡頭按年升8%,增幅溫和,而手機攝像頭模組嘅出貨量按年幾乎無增長,只係升0.8%。舜宇半日跌5.92%,報219.2元。

    京華山一國際研究部主管彭偉新指,攝像模組行業好視乎處於旺季定係淡季,而7月基本上係淡季,加上整個手機行業最近都冇發布會推出新產品,大家唔敢睇得太好。手機零部件行業除咗睇數據,市場亦關注下半年有冇突破。市場宜家較擔心Delta變種病毒會唔會影響歐美經濟回落,預計數據唔足以令大家睇好,股價高位回落跌穿短期支持,但整體跌幅未令到投資者過分擔心。

    彭偉新
    京華山一國際研究部主管
    想睇更多財經消息