我的股票

    名稱 現價 升跌

    資料報價延遲十五分鐘

    標籤: 地產

    【湯文亮話】資深物業投資者也喜歡打書釘

    【地產】 2021/08/04 10:50

    【now.com財經】在書局打書釘時,偶遇一位老友,佢覺得很奇怪,佢以為大多數炒家,都是一腳牛屎,無可能會在書局見到我,更加想不到我在打書釘。

    老友不明白,其實物業投資者與文化人有不少相同之處,不同年紀的文化人,對於書籍有不詮釋。少年好買書,買了之後翻了幾頁,覺得唔啱自己,三幾日就會掉走。

    青壯好藏書,買了之後唔會讀,但又唔捨得掉,而事實上,那些書講什麼,藏書人亦未必知道,等到大屋搬細屋,或者老婆鬧才會著手清理。

    年長者好讀書,很少會買書,但就會經常去書局打書釘,好似我一樣,老友話唔知有這個情況,唔知真定假。

    老友如果唔知道不同年紀文化人,對於書藉有不同詮釋,更加不會知道,不同年紀投資者,對於投資物業,亦有不同詮釋。年輕投資者鍾意「買買賣賣,摸出摸入」,就算買到一件優質貨,都唔會長揸,賺多少錢就會賣走,跟著大宴親朋,物業代理最愛。

    中年投資者發覺當年買入的物業,如可不賣走,今日升幅驚人,於是只買不賣,什麼「逢三退一」都是廢話,恐怕「捉到鹿唔識脫角」,最後揸到成手貨,當遇上風吹草動,如果財力不足,手上的貨,就會被銀行大手清理。

    年紀比較大的投資者,不時去睇樓,但很少還價,所以,物業代理最不喜歡年紀比較大的投資者,話他們只睇不買,只不過是打書釘。

    湯文亮
    紀惠集團副主席及行政總裁
    想睇更多財經消息