我的股票

    名稱 現價 升跌

    資料報價延遲十五分鐘

    【專家分析】撈「科網風眼股」吼呢兩隻

    【分析】 2021/08/03 17:28

    【Now財經台】官媒《新華社》旗下媒體發文狠批遊戲係「精神鴉片」後,今朝網絡遊戲股慘被洗倉,雖然文章午後突然「被消失」,但市場仍被監管風暴困擾,加上內地監管網上明星訊息,又展開網絡綜藝節目專項排查整治,嗶哩嗶哩(09626)及快手(01024)股價又破底。

    新城晉峰金融集團分析員莫灝楠指,監管風暴先「吹襲」科技股,之後就輪到教育、物管,最新就係網遊,都投資者對市場、相關板塊、中央政策呢3方面愈嚟愈冇信心。不過,針對明星或綜藝節目嘅整治,實際影響唔算太大,但有機會係新一輪監管風暴嘅開始,由於快手負責製作綜藝節目,對公司嘅影響會較大。

    Casper話,如果想撈底可以考慮遊戲股龍頭騰訊控股(00700)及網易(09999),因為基本因素穩健,加上有業績支撐,風險相對較細。

     

    想睇更多財經消息