我的股票

    名稱 現價 升跌

    資料報價延遲十五分鐘

    【專家分析】恒大流動性危機再升級?

    【分析】 2021/06/10 18:04

    【Now財經台】市傳恒大集團(03333)被内地監管部門調查,又話盛京銀行(02066)向恒大提供千億資金,觸發恒大股價、債價下跌。此外,恒大被内地評級公司中誠信國際列入觀察名單。其實恒大做咗好多嘢想挽回市場信心,包括掟過1億元回購股份,但投資者似乎唔係咁受落,加上恒大大力擴張業務搞到周身債,市場對恒大可以成功減債似乎都唔樂觀。

    安里證券研究部董事湯麗鴻指,投資者嘅信心會直接反映喺債價上,恒大2025年到期嘅債券,價格已經跌超過10%,反映投資者對恒大信心不足。恒大舊年2月已經爆流動性危機,加上今年2月又減價賣樓,反映集團急需資金回籠。恆大集團相關股份例如恒大物業(06666)、恒大汽車(00708)都配過股,明顯釋出流動性危險訊號。

    想睇更多財經消息