我的股票

    名稱 現價 升跌

    資料報價延遲十五分鐘

    【股市脈搏】恒大少掂為妙?

    【分析】 2021/06/01 18:27

    【Now財經台】中國恒大(03333)近期被指遭中國銀保監會調查,同盛京銀行(02066)有過千億債券違規交易,恒大股價今朝輕微低開後,反覆偏軟,一度跌逾1.7%,低見11.44元,跌到逾1年低位,尾市港股升多咗,帶挈恒大股價由跌轉升,收市報11.86元,升逾1.8%,成交股數較過去100日同時段平均增逾30%。

    監管事件令恒大進一步遠離所有移動平均線,即使噚日傳來同騰訊控股(00700)有合作嘅消息,仍然對股價冇乜幫助,恒大前幾日連10天線都守唔住,所以今日都彈唔起,但依家仲未確認見底,下一個底要數到舊年3月,9.71元嘅疫情底。

    不過,技術上似乎有支持,三連陰三隻烏鴉見超過1年低位後,今日開返枝陽燭,仲係倒轉鎚頭,但消息面太多不明朗,即使出現反彈訊號,但短期都係再睇定啲先。

    想睇更多財經消息