【名家給力場】港股新一輪跌浪殺到？

【Now財經台】港股連跌三周後，今個星期開局靠穩，多間科技巨企會排隊出業績，騰訊控股(00700)、百度集團(09888)、攜程集團(09961)等，星期五收市後就有恒指季檢結果，會點樣左右大市走勢？

《香港股票財技密碼》作者梁杰文指，雖然港股今日反彈，但仍然受制於10天線，而且成交唔係好配合，所以都擔心月尾會出現新一輪跌浪，甚至跌穿3月中低位，即27500點水平。

Mike又估計，新經濟股未必有太大驚喜，而睇返阿里巴巴(09988)、嗶哩嗶哩(09626)及京東集團(09618)出完業績後，股價都要跌，反映市場對新經濟股嘅信心薄弱，所以，對於佢新經濟股業績冇乜期望，依家最重要係個市可以企得穩28000水平。