我的股票

    名稱 現價 升跌

    資料報價延遲十五分鐘

    【輪證下半Part】邊睇天竺鼠車車 邊等港交所

    【輪證】 2021/03/02 14:47

    【now.com財經】好彩今朝甩咗隻藥明(02269)嘅Call(12444),幾時都話袋咗落袋先係錢;至於喺聊天室方面,早已收割恒指牛,而恒指熊亦都喺11點同稍後逢五分鐘圖遇上天線見阻力時就建議出手,到依家我諗如果有跟策略去的話,雖然恒指淡倉無由最高向下殺到最低,但分開幾次唔同路程去食嘅話,應該可以豐富過我今日份Lunch!

    恒指本來由升幾百點,變依家倒跌幾百點,或者都係因為波叔番言論,波叔接受Bloomberg訪問時話「不排除進一步提高股票印花稅的可能性」。

    當所有media出晒波叔呢番說話之後,唔知係咪佢本人覺得今日唔係「咁啱個市調整」,失心瘋再又轉口風話目前未有計劃,雖然依家2點25分見恒指跌幅收窄返到不足250點,不過29000曾經失過,怕且後市都唔知會唔會「失開有條路」,明明大點數齊位嘅關口都隨時變得no big deal。

    至於被波叔玩謝嘅港交所(00388),日線圖見由上個星期五(2月26日)至今日挨住條50天線,今日就當然隨市下跌,至依家2點29分,港交所跌0.4%或$2,做緊$487.6,對比恒指佢今日算係跑贏;同步見SlowSTC(14,3)兩線處於嚴重超賣但%K線(12.997)低位升穿%D線(11.906)水平;開埋保歷加通道出嚟睇,見到港交所喺上星期五低位踩住保歷加通道低後就彈高上去。

    完全明白喺價殘股中執筍位係有一定難度,就如早兩日執藥明一樣,如果起貪諗就真係high嘢high到爆,港交Call(26208),行使價$488.2,同現價只有0.29%價外,6月底到期,低引伸、槓桿適中,吼呢啲同考自已眼光+運氣無分別,五分鐘圖唔見SlowSTC(14,3)落返嚟嘅話就真係唔好入,我就一邊睇天竺鼠車車(廣告時間:公司有隻煲劇App出咗天竺鼠車車啦!),一邊等港交所。

    作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

    MeWe/Patreon/FB/IG:輪證贏家
    秒投聊天室:輪證教室

     

    想睇更多財經消息