我的股票

    名稱 現價 升跌

    資料報價延遲十五分鐘

    【輪證下半Part】東風日線STC殘爆mark實

    【輪證】 2021/01/27 13:30

    【now.comn財經】恒指喺今朝約10點20分見低位29194點殺盡兩層牛證街貨後就掉頭向上,就連SlowSTC(14,3)都同步上行;不過,喺10點35分見五分鐘圖有條250分鐘線(5 x 50線)出嚟做架兩,本以為恒指遇阻回落時,再等到SlowSTC(14,3)落返超賣區,同步留意小時圖有無異樣,無嘅話就先至出恒指牛(58087),呢鋪瞻前顧後仲安全過考車牌,諗住唔會被考官有機會剔到啦,誰不知恒指就喺25分鐘線前頂到11點30分,見住數點變動不大但SlowSTC(14,3)就係咁向上,都心知不妙。

    喺11點35分終於宣告五分鐘圖嘅恒指突破咗條250分鐘線;但再望返小時圖,「錘頭」係出咗嚟,但到依家1點2分下半場剛剛開市,喺呢個圖上面都仲未爬得返上條50小時線(1 x 50線),到底係我好彩定係純綷時辰未到?Anyway,永遠喺right timing做rigth thing;唔係要贏,而係唔好輸,做好風險管理先至重要。

    趁呢段要等機會嘅時侯,就去搵下有無第二啲機會出現,搵過一堆有唔少輪證選擇嘅Underlying之後,搵到一隻從來未喺呢度出現過嘅Underlying,就係東風汽車集團(00498)。

    以前仲未有比亞迪(01211)同吉利汽車(00175)出現嘅時代,車股裡面就係東風稱霸,但到依家個個都望住比亞迪幾時上$300時,東風股價早排都被同業造好而上行,至今日喺日線圖上見佢再次回落$8附近水平,今日仲一度穿過保歷加通道底部,而保歷加通道口都有拓闊嘅跡象。

    「保歷加通道口拓闊,咪即係仲比位佢向下走?」的確有咁嘅可能,但同步喺日線圖上SlowSTC(14,3)見%K線(8.877)低位作勢升穿%D線(9.708),又睇下邊個好揪啲啦。

    放住入watch list度先啦,如果比亞迪同吉利日線圖20天線真係出到支持嘅話,搶高番成個板塊嘅走勢都唔奇;「咁點解唔直接吼比亞迪同吉利呀?」呢兩隻嘅預期低位彈高無東風嘅預期低位彈高咁高嘛。

    作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

    MeWe/Patreon/FB/IG:輪證贏家
    秒投聊天室:輪證教室

    想睇更多財經消息