我的股票

    名稱 現價 升跌

    資料報價延遲十五分鐘

    【老樓講樓】牛年樓市 掀新一波減價潮

    【地產】 2021/01/15 12:30

    【now.com財經】踏入新一年,股市升到無停,樓市亦不甘後人,搶佔在股市贏錢的股民「套股換樓」,2021 年總算有個好開始,不過對於疫市中的行業卻獨憔悴,限聚令似乎開放無一個明確日子,開始與家人商量今年過年點團年。

    過往慣例,老樓會家人共聚,少去應酬拜年,年三十晚吃團年飯,大年初一到然打發時間,一屋四枱攻打四方城;大年初二再到爸爸家開年,食個開年飯,跟住車他和外母遊大運,有時去大埔林村應下景,掟下寶碟,跟住求其搵地方食飯(好少去維港兩岸看煙花);跟住大年初三或四到老婆大姐家直落,今年適逢年初四為周日,過往都會 hea 番一日等開工。

    剛聽到電台節目講,年初五為大凶日不宜開工,建議打工仔番公司一轉,或者爸爸家拜年,細佬住在樓上,會一起到酒家食飯,午後到外母家直到凌晨,當開下電腦交下文件當開工大吉,都係取其意頭啫。

    今年應該「乜到冇」,唯有在家早午晚三餐食年糕、涼果當開飯;今年年宵市場都取消咗,還未同老婆大人商量係邊度買蘭花擺係屋,不一樣的農曆新年,牛年布希望轉個好運來。

    按現時樓市氣氛,應該可以牛年伊始應該可以做獨市生意,去年一手盤長賣長有,有13,000伙,少過2019年,但本港疫情反覆打亂賣樓部署,雖然有發展商賣一個紅盤已超過全年目標,唯其他發展商受制於疫情賣少咗,故此在第一季打埋疫苗,理應排山倒海推盤,造就一手小陽春。

    一開波便出現新盤狙擊之局,雖未看到減價戰,但南豐推日出康城LP10明顯狙擊會德豐的啟德盤Monaco,首批價單較後者平三成,後者週日賣樓145伙,不排除亦有客戶臨尾縮沙過檔,如果真的發生,今年新盤戰鬥格和火藥味甚濃;長實地產(01113)亦計劃以招標形式推售半山波老道21號,直接對手乃新鴻基地產(00016)位於司徒拔道Central Peak,雖然長實後推,新地惜盤,也好大機會後發先至,後來居上,甚至後來先上岸之勢。

    二手成交在一手重回後又重回深淵,過去的非要減價不可賣;加上年近歲晚,要賣樓過年的取態相當關鍵,其一美國拜登上場後的經濟政策如何,若維持美元弱勢,資產價格仍可以有運行;若然內廷一如評論所指出現亂局,美國經濟難以短期復甦。

    何況本港仍以美元結算,出口業當未復元,如何再遭逢新一輪經濟打擊;月前不少實業家要劈價賣樓自救,牛年這股劈價潮將持續,老樓預期上半年樓價有五5%至10%的跌幅也相對樂觀咗。

    劉兆昌
    資深傳媒人
    想睇更多財經消息

    相關股票