【股市脈搏】富智康明日再炒一轉？

【Now財經台】富智康集團(02038)股價上午冇乜動靜，但去到下午2時後，突然買盤湧現，股價1小時內，最多飆升逾34%，高見1.39元，收市報1.22元，仍大升逾18%，成交股數4.5億股，是近兩年最多，亦較過去100日同時段平均激增20倍，股價升上近一年高位。

富智康股價爆上，因為吉利集團夥拍富士康組合營，攻汽車代工業務，吉利集團董事長李書福、富士康創辦人郭台銘等出席簽約儀式，見證兩家公司簽署戰略合作協議。

技術走勢方面，富智康股價過去一年，喺1.24元樓下兩次形成圓底，今日一度突破，雖然收市企唔穩，但依家合營消息確認，股價聽日好大機會再炒高。