我的股票

    名稱 現價 升跌

    資料報價延遲十五分鐘

    【股市脈搏】追聖牧博出盈喜變蚊股?

    【分析】 2021/01/05 15:28

    【Now財經台】內地乳業龍頭伊利集團及蒙牛乳業(02319),元旦後將基礎白奶產品加價3%至5%,海通證券認為,今次係多年來難得一見嘅集體加價行動,反映行業競爭緩和及需求增加。受消息帶動,乳品股今日全線造好。

    蒙牛持股嘅中國聖牧(01432)股價一度升逾14%,高見0.86元,成交股數較過去100日同時段平均大增4倍。

    聖牧中期業績轉賺逾1.4億元人民幣,假設2021年下半年盈利一樣,即全年賺2.8億元人民幣,盈利較2019年飆10倍,估計3月底出全年業績前,集團將會發盈喜,現時預測市盈率(PE)約24倍,比蒙牛嘅51倍低一大截。

    聖牧股價舊年11月中已經「開車」,由當時0.55元升到今日0.86元,已累升50%,但計升幅,仍然唔及蒙牛都有持股嘅現代牧業(01117),相對落後嘅聖牧,留意後市可唔可以再挑戰1元關口。

    想睇更多財經消息