我的股票

    名稱 現價 升跌

    資料報價延遲十五分鐘

    【股市脈搏】百威亞太追落後?惟仍未重上IPO價....

    【分析】 2020/07/28 17:49

    【Now財經台】今日內需股發力,其中啤酒股百威亞太(01876)走勢標青,以全日高位收市,收報25.3元,升幅逾5%。

    近期熱炒幾隻啤酒股,其中青島啤酒(00168)及華潤啤酒(00291),都不斷有大行睇好,唯獨百威亞太無咁多大行唱好。睇返走勢,潤啤及青啤都係穩步上升,但百威反覆橫行。

    百威亞太生意規模,其實較其他同類股份大,賺錢最多亦係佢,不過淨睇去年嘅比較,百威盈利下跌緊。今年年頭都要受累於新型肺炎影響。雖然百威覆蓋地區有印度、日本等,但情況仲係唔理想,股價較同業落後,可能就係反映呢啲因素。

    百威將公佈業績,富瑞料次季銷售繼續跌,但隨著夜生活渠道恢復,料集團銷售將從第三季起轉正,目標價睇30元,給予「買入」評級。

    百威亞太上市唔夠一年,IPO價(招股價)27元,現時股價仍「潛水」,近日係低位反彈,多次上到25元水平就受阻,投資者要睇實次季業績,會否有利好消息刺激股價。

    想睇更多財經消息