我的股票

    名稱 現價 升跌

    資料報價延遲十五分鐘

    標籤: 分析03898

    【股市脈搏】中車時代電氣曾抽升逾三成

    【分析】 2020/07/06 17:46

    【Now財經台】大市超過1300隻股份向上,除咗新經濟股,舊經濟股亦都有唔少炒作,下午就有一隻好耐冇炒過嘅鐵路設備股--中車時代電氣(03898)發力。

    股份今早高開1%後升幅不斷擴大,午後突然升逾20%,臨近收市再衝高31%,高位27.25元,係14年以嚟最大單日升幅,收市升近28%,報26.55元,成交超過3億元。

    最新消息就有一項行業數據。國鐵集團日前公布,上半年全國鐵路固定資產投資,按年升1.2%,但拆開第一、二季嚟睇,第一季受疫情影響,鐵路投資要跌21%,但第二季已可增長逾11%,其中基建投資按年增加16%,似乎反映行業最壞時間已過,但中車時代實際受惠始終有限。

    大摩上月初唱好中車時代電氣,將公司列為行業首選,相信未來會受惠採購大增,目標價睇39元,給予「增持」評級,大摩係多間大行中睇得較高嘅一間,亦比平均價32.45元高。今次喺大市氣氛、行業數據等帶動下,中車時代電氣股價炒上,今日一枝大陽燭升穿100天線,下一步就睇住250天線,即27元水平。

    想睇更多財經消息

    相關股票