我的股票

    名稱 現價 升跌

    資料報價延遲十五分鐘

    【股市脈搏】滔搏公佈業績前 股價升逾4%

    【分析】 2020/05/25 20:33

    【Now財經台】滔搏(06110)今日會公佈截至二月底的全年業績,係公司舊年十月上市以來首份全年業績。

    公司主力做外國牌子Nike及Adidas運動鞋嘅中國代理。根據彭博,綜合市場預測,全年賺24億人民幣。公司上半年賺約14億,即是下半年只係賺大約10億元。受累於肺炎疫情爆發,下半年表現較差,可以話係預期之內。

    參考滔搏同業寶勝國際(03813)嘅業績,今年一月至三月收入跌25%,由盈轉虧。可見滔搏下年度,由三月份開始計起嘅業績都會繼續受到疫情打擊。

    股價今日最多升6%,高見9.95元,收市報9.78元,都未能破10元大關。股價近日到嘗試升穿今年一月份嘅高位,但都係企唔穩。今日收市價都只係比招股價8.5元高約15%。

    現時大行平均目標價睇11.24元。有冇機會做到,視乎今年經濟復甦情況。投資者要留意公司業績內,關於店舖重開,同埋銷售情況。

    想睇更多財經消息

    相關股票