我的股票

    名稱 現價 升跌

    資料報價延遲十五分鐘

    標籤: 地產

    【樓宇法律】自製大單位分隔牆的業權(續)

    【地產】 2020/04/22 12:13

    【now.com財經】上期講及一單土地審裁處案件,一對姊妹買入屋苑兩個相連單位,然後將單位打通,併為一個大單位。

    土審處裁定兩個相連單位嘅間牆係屋苑公用部分,判令姊妹必須還原間牆。

    不過,其實單案仲有下文,今期續。

    姊妹不服判決,就法律觀點乎向上訴庭上訴。結果,上訴庭推翻土審處判決,認為分隔單位嘅間牆業權係屬於業主所有,並非公用地方(案件編號:CACV 155/2010)。

    不過,其中法律論點頗為複雜,筆者唔在此贅述(皆因依個專欄目的,只係大家講下一啲簡單地產法律通識,作為日常參考之用,並非一個法律課程);不過,呢單案嘅過程,就講明一件事,就係官司真係唔打過,都唔知道邊個輸贏。

    喺筆者過往執業生涯裡面,時不時都要替客戶處理一啲地產官司。無論客戶肯點樣花錢聘請城中出名大狀,審前所有法律辯駁論點預備得幾咁獨到精闢,打到最尾(有唔少係上訴個案),初時諗著贏硬嘅,都輸。

    幾年前,一個發展商收購九龍城五個舊樓地段作為興建多層綜合大廈,結果要同地政署打官司。

    發展商輾轉輸贏之後,打到終審庭一樣都輸;此案哄動一時。

    難怪筆者一個時任局長嘅高官朋友,有次與我午飯時講笑咁話:「十個律師有十二個法律意見!」筆者聽咗,不免會心一笑!

    香港測量師學會會員陳家欣

    想睇更多財經消息