【股市脈搏】五谷磨房發盈警 股價創新低

【Now財經台】五谷磨房(01837)發盈警，開市低開超過7%，之後跌幅擴大至13%，低見1.02元，為上市新低。收市報1.03元，跌近12%。

公司昨晚發通告，表示受制於線下直營店專櫃數目減少，令收入下跌，加上銷售成本上升，預期2019年底為止，全年經調整純利跌40%。公司去年引入百事為第二大股東，更有合作計劃，打算借助百事嘅分銷網絡有協同效應，可惜銷售點反而減咗，年收入下跌。

股價由當初引入百事時嘅高位2.43元，一直向下咗58%。若果以招股價1.62元計，都下潛咗37%。投資者要留意守唔守到1元大關。