我的股票

    名稱 現價 升跌

    資料報價延遲十五分鐘

    標籤: 地產

    【城規建設】無地起樓 VS 無合適土地

    【地產】 2020/03/02 12:37

    【now.com地產】根據房屋署數字,截至舊年12月底,約有26萬宗公屋申請,平均輪候時間為5.4年,比3年輪候目標長一倍。

    要加快土地供應來滿足住屋需求,係人都知。不過,唔係任何一塊閒置土地,都適合興建公屋。

    土地必須先由土木工程拓展署進行發展可行性研究(development feasibilitystudy),就排水、排污、供水、交通、運輸、空氣質素、噪音、生態環境、土地污染等進行一系列技術評估,並且計算公屋單位數目,確立基本設施規模,檢討成本效益,與及編製發展推進表等。

    做完之後,政府先至有塊土地興建公屋。

    而且,一塊適合興建公屋嘅土地,除咗要建造公屋單位之外,仲要興建零售飲食群組、社區設施、停車場、公共運輸交匯處、學校等嘅配套設施。

    另一方面,居住、商業、社區、交通等各項發展元素,可以演變出不同嘅組合形式,構成唔同嘅發展方案。

    而可行性研究嘅其中一個重要功能,就係分析唔同方案嘅利與弊,從而揾出一個就著當前社會環境最合適嘅發展方案。

    近年,香港人愈來愈著重裡本土文化遺產,所以,開發土地興建公屋,亦要考慮會唔會影響、其至拆毀具有考古價值嘅地點、含有歷史嘅村落、法定古蹟、已評級嘅歷史建築、文物、墓地等。

    所以,政府成日話無地起樓,其實係話無適合嘅土地。

    香港測量師學會會員陳家欣

    想睇更多財經消息