我的股票

    名稱 現價 升跌

    資料報價延遲十五分鐘

    標籤: 地產

    【湯文亮話】夜短夢長 年輕人前進吧

    【地產】 2019/12/11 11:03

    【now.com地產】自從行政長官林鄭月娥宣布將九成按保提高至800萬之後,不少年輕人問我是否應該買樓,我一律回答有需要而又有能力就可以買,千祈唔好左考慮、右考慮,夜短夢長,考慮太多就一世都買唔到樓,年輕人前進吧。

    不少年輕人聽到之後話我靠害,以現在時勢,除了社運還未有結束跡象,還有美國又對香港實施人權法,正式屋漏兼逢夜雨,現在買樓即是做炮灰,我唔應該叫他們買樓。

    坦白說,他們早已打算唔買樓,點解仲要問我,而我又早知他們不打算買樓,點解仲要話夜短夢長,年輕人前進吧。

    其實,我是因為知道他們不會買樓,才叫他們買樓,如果我叫他們唔好買樓,倘若樓價下跌,他們會若無其事,但樓價上升,我就慘了,他們一定會口出怨言話信錯我,本來打算買樓,連樓都睇啱,因我一句說話就沒有買樓,真的是損失慘重,既然知道結局是如此,點解我唔講年輕人前進吧。

    不時亦有不少人問我是否應該賣樓,千祈唔好以為我一定講不可以,我久唔久亦會提議啱價就可以賣樓,最緊要賣了樓之後不需要租樓,我並不擔心叫人賣樓之後樓價上升,同樣地被人埋怨死。

    而事實上問我的人亦沒有打算賣樓,只不過是多口一問,就算樓價上升,他們都沒有損失,當然不會怨我,或者會話好彩冇聽我講,否則就損失慘重。

    我並非一成不變,在林鄭推出新按保之前,我亦叫年輕人暫時不要買樓,最近我收到一份禮物,是一個年輕人送給我,我記得在政府推出新按保之前,有一日食雲吞麵做午餐,一位年輕人突然問我他是否可以採用九成按保買樓,我話最好暫時不要買樓,因為九成按保只能夠買400萬以下樓宇,大多數是納米樓,在入伙之後不但會發覺得樓無所用,同時浪費了丁權,不如等多一會,待政府放寬逆週期措施或者加大按保時才買。

    湯文亮
    紀惠集團副主席及行政總裁
    想睇更多財經消息