我的股票

    名稱 現價 升跌

    資料報價延遲十五分鐘

    標籤: 60281

    【輪證下半Part】逆市抗行不如順勢投資

    【輪證】 2019/10/29 14:42

    【now.com財經】無帶電話出街食飯,完全唔知道個市發生咩事,不過喺今朝早見恒指一級一級咁向下走,5分鐘SlowSTC(14,3)無力再上返去,本來仲諗住可以搵到個位食到隻恒指牛(60281),都變成搵個靚位自行屠牛就算。

    27000點呢個阻力位確實少啲心力都搞唔掂,喺今朝高開低收之後,大約10點30分到見到個市跌幅開始有啲減慢,同步見SlowSTC(14,3)喺嚴重超賣位置掉頭向上,就諗住有機甩身。呢啲搵位走嘅時候就更係望刕幾款指標,睇吓係咪真係可以咪埋對眼唔駛理,再等位抽上去啦,點知就見到當SlowSTC(14,3)上行時,DMI嘅ADX就繼續下行,吓?咁即係你想話我知呢一下唔係彈,而係爭扎啦,再去到10點45分見恒指再度下行,呢個時候DMI嘅ADX竟然上升,又即係話比我知呢個跌唔係一個小型調整,而係真心要下行啦。都講到咁囉,唯有將隻(60281)放走啦。按(60281)平均買入價$0.0575計,喺嗰段時間(60281)都叫做仲喺$0.05以上水平,就用$0.05計,最大獲都係輸七格/13%。

    依家2點31分,恒指做緊26776點,跌115點。日線圖上100天線(27020點)屢攻不破,但下方10天線(26745點)雖然一度失守,但以現價計算總算暫時失而復得。(雖然今朝見到唔對路走,用走時嘅價同(60281)證價比好似走得好合理;但同步見到條10天線咁有承托力,忽然有啲唔甘心,激氣!)

    SLowSTC(14,3)高位徘徊意義不大,14RSI處於中軸水平,而依家再睇DMI嘅ADX有少少回升嘅跡象(數值上由噚日嘅29.168升至依家見到嘅29.272);27000點真係咁難破?

    都係唔好同100天線+「中長期下降軌鬥氣」,古語有云:逆市抗行不如順勢投資;所以,再開好倉?不了;反手開熊?都不了,假設恒指未有消息作進一步突破嘅話,咁即係話恒指將會維持於10天線同100天線之間爭持;但如果係忽然破位嘅話,我明白食得到破位嗰一下係好開心,但係...係囉,要中先得架嘛,依家咁中軸水平買是但一邊就好似買緊大細咁,都唔知點博好...更何況跌百零點呢個樣都keep咗幾粒鐘,個款好似想keep到收市咁,都係算數吧啦。

    作者阿珊,任財經/投資版傳媒人十幾年,《鐘擺戰略贏港股》作者。用技術分析專心玩輪證,唔貪心,志在搵餐下午茶。

    電郵:gladyshan@gmail.com;FB:輪證贏家

    想睇更多財經消息

    相關股票

    編號名稱
    60281