【名家給力場】3344質穿呢個價隨時清盤

【Now財經台】有單被申請清盤官司喺身嘅細價股共享集團(03344)，因為傳出收購消息，股價一度炒高逾8%，高見0.148元，但之後倒跌。

《香港股票財技密碼》作者梁杰文指，最初憧憬中信入股，新人事新作風令集團有新景象，但清盤呈請呢單官司仲未搞掂，所以今次呢單收購唔係重點，始終單deal規模太細，收購細節又唔清晰，只能視為一個拖延手段，但仍不排除最後會賣殼。Mike又話，現任大股東嘅成本價0.08元有一定參考價值，7月、8月時跌到呢個位就反彈，如果股價未來跌穿0.1元，甚至0.08元，可能係一個警號，或者真係要清盤。