我的股票

    名稱 現價 升跌

    資料報價延遲十五分鐘

    標籤: 地產

    【樓宇法律】睇清楚先好簽

    【地產】 2019/06/19 12:00

    【now.com地產】物業交易雙方簽訂契約,係一件必然嘅事。但係,契約簽訂之後,如果某一方反悔,往往就用藉口來拒絕履行合約條款。

    點樣反悔?如果份約係用英文寫,就話自己唔識英文,所以唔知份約係講乜;如果份約係中方寫,就話自己其實唔識字;又若然有老花,就話簽約時無戴眼鏡,所以睇唔到自己簽咗啲乜;甚至賴話相信對方解釋,先至黎簽個名落去,原來解釋同契約真正內容唔同。

    合約法有一個術辭叫「Non Est Factum」,呢個係拉丁文,意思即係「份契約唔係我真正想簽嘅文件,所以我嘅簽名唔係我真正嘅行為」,作為拒絕履行契嘅抗辯理由。

    但係,法庭喺容許立約嘅一方引用依個抗辯來拒絕履行立約,會採取一個十分嚴謹嘅態度。

    一般法律原則係,每個人必須對自己所簽嘅約負責;所以喺簽訂之前,應該採取合理嘅方法去理解契約內容。

    如果佢唔識英文,可以揾人翻譯;如果係文盲,亦可以揾識字嘅人讀畀佢聽。如果對契約某啲法律條文唔理解,可以聘請律師講解。

    所以,除非反悔嘅一方能夠證明得到,佢已經盡咗應盡嘅責任同埋用咗合理嘅步驟去理解契約內容,但係仍然發覺份約同真正立約意圖唔同,法庭先會容許佢用「Non Est Factum」作為拒絕履行契約嘅抗辯。

    呢啲咁白紝黑字嘅文件,真係睇清楚先好簽呀。

    香港測量師學會會員陳家欣

    想睇更多財經消息