【Now財經台】英鎊上周衝上1.2245嘅逾1個月高位，兼5個月以來首度升穿50天線，英倫銀行今個星期四議息，市場擔心當地經濟疫弱，未必有條件加息0.5厘，已連續2個星期升逾1%嘅英鎊，借今個星期議息進一步抽升嘅空間有幾大？
ATFX亞太區首席分析師林銘添指，美英各自爭取加息空間，但擔心英國加息空間會逐步收窄，雖然英倫銀行為遏高通脹而加息，但如果加息後經濟衰退嚴重，或導致英鎊急速下滑，相信英鎊升至1.22水平會遇阻，反映市場仍擔心英倫銀行未必可以加息0.5厘，加上市場仍揣測邊個係下任英國首相，同埋當選後幫唔幫到英國，喺呢兩個關鍵因素困擾下，Martin估計，英鎊會受制於1.23水平，一旦回落，就會落到1.19水平。
