【期匯決算】油價有機進一步被夾高

【Now財經台】國際油價昨日(4日)急跌3%，今日(5日)亞洲交易時段未見太大波動，石油輸出國組織及盟友(OPEC+)將於周日(7日)開會，預期會通過7月增產，對撳低油價有冇作用？高油價持續影響全球通脹，喺呢個情況下，美國聯儲局暫時係咪都好難減息？

外匯策略專家張健泰表示，今年有個別中東國家退出OPEC+，透過增產控制油價嘅作用唔大，加上美國近年陸續增加石油產量，都令OPEC+控制油市嘅效果唔大，市場反而擔心石油庫存問題，因為霍爾木茲海峽(Strait of Hormuz)已封鎖咗3個月，各國已釋放咗好多戰略儲備，若情況持續至8月中，到時石油庫存或會減少，油價反被會被夾高。

Ken又話，美國減息機會已微乎其微，就算美國經濟陷入衰退，如果人工智能(AI)投資燒錢燒得快，或觸發企業裁員潮，屆時就業市場轉差，呢啲因素疊或令...