【環球金融快線】美國通脹快見頂？

【Now財經台】倫敦布蘭特期油昨晚(5日)再度失守每桶95美元水平，據國際貨幣基金組織(IMF)等機構估計，油價每升10美元，將最少推高通脹率0.3個百分點，而經濟合作暨發展組織(OECD)就認為，美伊開戰後，通脹率將會升0.7至1.4個百分點，若油價企穩喺現水平，美國通脹會因能源嘅滯後效應持續上升，還是已經見頂？

獨立分析師黃耀宗指，油價之前升咗上去，的確會出現滯後效應，睇返整體通脹，企業季績反映唔少公司自行消化營運及運輸成本，但亦表明下一個季度開始，會將成本轉嫁畀消費者，意味產品將會加價，不過，其實最重要係核心通脹會唔會因人工智能(AI)或晶片需求而上升。

Andy續指，睇返現時嘅情況，短期通脹壓力或會再升多兩個月，但之後就會逐步回落。此外，因為核心通脹唔算高，預期美國聯儲局未來或只需加1次息就足夠。