【專家分析】金價今年難見3字頭

【Now財經台】市場資金有份推升金價，黃金相關現貨交易所買賣基金(ETF)持倉一直增加，金價亦持續破頂，市場估計，金價可進一步升至每盎司3000美元，今年有冇機會到價？經營金礦嘅企業盈利都受惠於金價上向，但開發需要成本，若睇好黃金走勢，應該揀金礦股還是相關ETF會較穩陣？

紅蟻資本投資總監李澤銘指，金價今年升幅算相當誇張，除地緣局勢等難以預計嘅因素外，唔少推升黃金嘅因素近期都逐步反映，金價升幅亦好視乎黃金消費，因此，相信金價上到3000美元嘅機會相當細。

Alan又話，黃金直接嘅衍生品會跟隨金價嘅升跌，金礦股雖然可受惠金價上升，但除金價外，亦有好多其他因素影響股價，加上有中特估嘅特性，若槓桿可有較高回報，現價嚟講金礦股仍然係比較值博。