【期匯決算】人仔喺7.15至7.17有支持

【Now財經台】上月內地居民消費價格指數(CPI)按年升0.6%，略遜預期，繼續喺通縮邊緣徘徊，人仔中間價持續轉弱，離岸人仔亦一度轉弱至近7.12水平，美匯指數轉強空間唔大，離岸人仔喺現水平有冇支持？

ATFX亞太區首席分析師林銘添指，短期而言，市場關注第4季貨幣政策，以及經濟刺激措施能否帶旺內地經濟，內地經濟仍未見到擴張性通脹，加上生產數據表現疲弱，唔排除第4季會有更多刺激經濟措施出台，可能會喺減息、降準方面下功夫。

佢又話，如果短期睇唔到內地經濟有增長或擴張嘅情況，人仔好大機會持續偏弱，美元轉強空間唔大，人仔喺7.15至7.17水平會有支持。